Osiyo Olimpiya Kengashi vitse-prezidenti Otabek Umarov Xanchjoudagi 2022-yilgi Osiyo oʻyinlarining Atletlar qishlogʻiga tashrif buyurdi va Oʻzbekiston delegatsiyasi qarorgohida boʻldi. Otabek Muhammadalievichga Yoshlar siyosati va sport vaziri Adham Ikromov hamda Oybek Qosimov boshchiligidagi O‘zbekiston Milliy olimpiya qo‘mitasi rahbariyati hamrohlik qildi. Tashrif davomida sport shaharchasida yaratilgan shart-sharoitlar bilan tanishdik. Transport-logistika tizimi, sport musobaqalari taqvimi, sportchilar yashaydigan binolarda tashkil etilgan sharoitlar, tibbiyot bo‘limi, mashg‘ulotlar va musobaqalar zallari atroflicha o‘rganilgan. Shuningdek, sportchilar uchun mo‘ljallangan oshxonalar ham ko‘zdan kechirildi. OCA vitse-prezidenti hozirda Atletlar qishlog‘ida istiqomat qilayotgan sportchilar va murabbiylar bilan suhbatlashdi. Ularga kelgusi musobaqalarda omad tiladi. Bugun Otabek Umarov Osiyo Olimpiya kengashi rahbariyati tarkibida Xanchjou-2022 19-Yozgi Osiyo o‘yinlarining ochilish marosimida ishtirok etadi.