Slalomda eshkak eshish bo‘yicha O‘zbekiston milliy terma jamoasi jahon kubogining navbatdagi bosqichiga o‘z tayyorgarligini davom ettirmoqda.
Mahalliy murabbiylar va xalqaro mutaxassis Samuel Xernanz boshchiligidagi slalomchilarimiz Chexiya Respublikadining Praga shahrida bo‘lib o‘tadigan jahon kubogining 3-bosqichidagi ishtirokidan avval xalqaro o’quv-mashg’ulot yig’inini olib bormoqda. Jahon kubogining 3-bosqichi keyingi weekend kunlari (27-29-iyun) bo‘lib o‘tadi. Ushbu startda dunyoning 100dan ortiq kuchli slalomchilari qatnashishi kutilmoqda. Jahon kubogining 3-bosqichida ishtirok etadigan terma jamoamiz tarkibiga o‘zgartirish kiritildi. С-1: Anvar Klevleev, Sherzod Kurbonaliyev. K-1: Pavel Eygel, Jonibek Temirgaliyev. CSLXM: Pavel Eygel, Jonibek Temirgaliyev. Ma’lumot uchun avgust oyida slalomda eshkak eshish bo‘yicha milliy terma jamoamiz to‘liq tarkib bilan Xitoyda bo‘lib o‘tishi kutilayotgan Osiyo chempionatida ishtirok etadi.
